ක්වීන්ස්ලන්ඩ් ප්‍රාන්තයේ උද්ගතව ඇති දරුණු සේවක හිගය මගහරවා ගැනීම සඳහා ප්‍රසාද දීමනා සහ නොමිළයේ සංචාර පිරිනැමීමට ප්‍රාන්ත රජය තීරණය කර තිබෙනවා.
ඒ අනුව වෙනත් ප්‍රාන්තවල සිට පැමිණෙන පුද්ගලයන්ට ඩොලර් 250 ක් වටිනා සංචාරක වවුචරපත් මෙන්ම පදිංචි ස්ථානය වෙනස් කිරීම සඳහා ඩොලර් 1500 ක මුදලක් ලබාදීමට යෝජිතයි.
ක්වීන්ස්ලන්ඩ් හි හෝටල් – සංචාරක සමාගම් – අවන්හල් – මත්පැන් හල් ඇතුලු ස්ථාන රැසක රැකියා 4000 ක පමණ දැඩි සේවක හිගයක් නිර්මාණය වී තිබෙනවා.
පුහුණු ශ්‍රමිකයන් ගෙන්වා ගැනීමේදී පවතින බාධාවන් ඊට හේතුවයි.
ඒ අනුවයි ඔස්ටේ්‍රලියාවේ වෙනත් ප්‍රාන්තවලින් හෝ සේවකයන් ගෙන්වා ගැනීම දිරි ගැන්වීම සඳහා ක්වීන්ස්ලන්ඩ් ප්‍රාන්ත රජය විසින් මෙම තීරණය ගෙන ඇත්තේ.
