පෙර වසරවල් හා සැසදීමේදී මෙවර ඇමරිකානු ග්රීන් කාඩ් ලොතරැයිය සඳහා ඉල්ලුම් කිරීමට ජනතාව අතර දැඩි උනන්දුවක් පැවති බව කොළඹ දිස්ත්රික් වෘත්තීය ඡායාරූපශාලා හිමියන්ගේ සංගමය ප්රකාශ කළා.
ඔක්තෝම්බර් 6 වන දා ඒ සඳහා ඉල්ලුම් කිරීම ආරම්භ කෙරුණා.
එය අවසන් කෙරුණේ ඊයේ දිනයේදියි.
කොළඹ දිස්ත්රික් වෘත්තීය ඡායාරූපශාලා හිමියන්ගේ සංගමය කියා සිටියේ මෙම ලොතරැයියට ඉල්ලුම් කිරීම සඳහා ඡායාරූප ගැනීම පෙර වසරවලට සාපේක්ෂව මෙවර සියයට 500කින් පමණ ඉහළ ගොස් තිබූ බවයි.
මෙවරත් ග්රීන්කාඩ් ලොතරැයිය සඳහා පුද්ගලයින් 55,000කට ඇමරිකාවට ඇතුළු වීම සඳහා වීසා නිකුත් කිරීමට එරට රාජ්ය දෙපාර්තමේන්තුව පියවර ගෙන තිබෙනවා.
