ශ්‍රී ලංකා ක්‍රීඩක මහීෂ් තීක්ෂණ ට විස්සයි විස්ස ලෝක කුසලාන තරගාවලියේ සුපිරි වටයේ පළමු තරගය අහිමි විය හැකි බවට වාර්තා පළවනවා.
ඒ, ඊයේ නෙදර්ලන්ත කණ්ඩායම සමග පැවති තරගය අතරතුරදී ඔහු මාංශපේශී ආබාධයකට ලක්වීම හේතුවෙනුයි.
ශ්‍රී ලංකා කණ්ඩායමේ පළමු සුපිරි වටයේ තරගය හෙට බංග්ලාදේශයට එරෙහිව පැවැත්වෙනවා.
ඊයේ තරගයෙන් අනතුරුව පැවති මාධ්‍ය හමුවේ දී අදහස් දැක්වූ ක්‍රීඩක භානුක රාජපක්ෂ කියා සිටියේ මහීෂ් තීක්ෂණට මතුවී ඇති ආබාධය අනුව බොහෝ දුරට හෙට තරගයේදී ඔහු විවේක ගැන්වෙනු ඇති බවයි.
මහීෂ් තීක්ශන ලෝක කුසලාන තරගාවලියේ මේ දක්වා පැවැති තරග 3 දී කඩුලූ 8 ක් බිඳ හෙළීමට සමත්ව තිබෙනවා.
