කොවිඩ් මර්දන එන්නත්කරණයට ලක් නොවූ වික්ටෝරියා ප්‍රාන්ත වාසීන්ට ඇතැම්විට ලබන වසරේදී ප්‍රසිද්ධ ස්ථානවලට පැමිණීමට නොහැකි වන පරිදි නීති ගෙන එන බවට අගමැති ඩැනියල් ඇන්ඩෘෘස් අනතුරු අගවනවා.
සති 02 ක් තුළ සියයට 80 එන්නත්කරණ ඉලක්කය සපුරාගත යුතු බවයි අගමැතිවරයා අවධාරණය කලේ.
මේ අනුව බොහෝදුරට ලබන අප්‍රේල් මාසයේ පැවැත්වෙන Melbourne Grand Prix වැනි ඉසව් සඳහා සහභාගීවීමට එන්නත ලබාගෙන නොමැති පුද්ගලයන්ට අවසර ලබා නොදෙනු ඇති.
අදාළ ස්ථාන හෝ ඉසව් කවරේද යන්න තවමත් අවසන් වශයෙන් තීන්දු කර නැතැයිද ඩැනියල් ඇන්ඩෘෘස් පැවසීය.
මේ අතර වික්ටෝරියා ප්‍රාන්ත එන්නත්කරණයේ ද්විත්ව මාත්‍රා ලබාගත් පිරිසේ 70% ඉලක්කය කරා ළඟාවූ විට හුදකලා වීමේ කාලය කෙටි කිරීමට අපේක්ෂා කරන බවද වික්ටෝරියානු ප්‍රාන්ත රජය තහවුරු කළේය.
