වික්ටෝරියා ප්‍රාන්තයේ දෛනික කොවිඩ් ආසාධිතයන් සංඛ්‍යාව ඉහළ ගියද ප්‍රකාශයට පත් කර ඇති මාර්ග සැලැස්ම (Road map) ක්‍රියාවට නැංවීම සඳහා එය බාධාවක් නොවන බව ප්‍රාන්ත අගමැති ඩැනියල් ඇන්ඩෘෘස් පවසයි.
ඒ අනුව සියයට 70 පූර්ණ එන්නත්කරණ ඉලක්කය ජයගත් වහා වික්ටෝරියා ප්‍රාන්තය දැනට ක්‍රියාත්මක 06 වන ලොක්ඩවුන් තත්වයෙන් මුදා හැරෙන බවයි ඔහු කියාසිටියේ.
බොහෝදුරට ලබන සතියේදී මෙම ඉලක්කය සපුරාගනු ඇතැයිද අපේක්ෂිතයි.
ගතවූ පැය 24 තුළ සිදුකළ කොරෝනා පරීක්ෂණ හරහා වික්ටෝරියානු ප්‍රාන්තයේ ප්‍රජාව අතරින් ආසාදිතයින් 2,297 ක් හමුව ඇත.
එය මේ දක්වා ප්‍රාන්තයෙන් එක් දිනයකදී හමුවූ වැඩිම ආසාධිතයන් ගණනයි.
මරණ 11ක් ද වාර්තා විය.
මේ අනුව මේ වන විට වික්ටෝරියා ප්‍රාන්තයේ සිටින සක්‍රිය කොරෝනා ආසාදිතයින් සංඛ්‍යාව 20,505 කි.
ඊයේ දිනයේදී (13) වික්ටෝරියා ප්‍රාන්තය තුළ කොරෝනා පරීක්ෂණ 82,762 ක් සිදුකර ඇති අතර කොරෝනා එන්නත් මාත්‍රා 37,611ක් ලබා දී තිබේ.
source : https://www.abc.net.au/news/2021-10-14/victoria-covid-cases-vaccine-melbourne-roadmap/100537786
