වික්ටෝරියා ප්‍රාන්තයේ වාහන ලියාපදිංචිය අලුත් කිරීමේ ගාස්තුව අඩු කරන ලෙස ප්‍රාන්ත රජයට බල කෙරෙන ව්‍යාපාරයක් ආරම්භ වී තිබේ.
ඊට ප්‍රාන්තයේ ප්‍රධාන විපක්ෂය වන Liberal පක්ෂයද සහය දක්වන බව ප්‍රකාශ කර ඇත.
මේ වනවිට මෙල්බර්න් නගරය සමස්තයක් ලෙස දින 240 කට වැඩි සංඛ්‍යාවක් Lockdown කර තිබේ.
එසේ තිබියදී වාහන ලියාපදිංචි අලුත් කිරීමේ ගාස්තුව ලෙස ඉතා විශාල මුදලක් අය කිරීම සාධාරණ නැතැයි මෙල්බර්න් වාසීන් පෙන්වා දෙයි.
ඔවුන් ප්‍රශ්න කරන්නේ නිවසේ නතර කර ඇති වාහනයක් වෙනුවෙන් මෙතරම් අධික ගාස්තුවක් අය කරන්නේ ඇයිද යන්නයි.
මේ සඳහා වික්ටෝරියාවාසීන් 57,000 ක් පමණ දැනටමත් ඔන්ලයින් පෙත්සමකට පවා අත්සන් කර තිබේ.
