නත්තල් කාල වකවානුවේදී අන්තර් ප්‍රාන්ත සීමා වසා දැමීමට කිසිදු අපේක්ෂාවක් නොමැති බව අගමැති ස්කොට් මොරිසන් පවසයි.
කෙසේවෙතත් එන්නත්කරණ ඉලක්කය ජයගැනීම එක් එක් ප්‍රාන්ත අගමැතිවරුන් සතු වගකීමක් බවයි අමෙරිකාවේ සිට මාධ්‍ය වෙත අදහස් දක්වමින් අගමැතිවරයා කියාසිටියේ.
ඔස්ටේ්‍රලියානුවන් එකිනෙකාගෙන් වෙන් කර තැබීමට තමන් තුළ කිසිදු අපේක්ෂාවක් නැතැයිද ස්කොට් මොරිසන් සඳහන් කලා.
වෛරසය සමග ජීවත්වීමේ වැඩපිළිවෙල දැනටමත් හඳුන්වාදී ඇති බවත් QR Code ක්‍රමය ඊට සාර්ථක ආරම්භයක් බවත් ඔහු කියාසිටියා.
මේ වනවිට රටේ මුලු ජනගහණයෙන් සියයට 50 කට වඩා පූර්ණව එන්නත්කරණයට ලක්කිරීමට හැකිවීම විශාල ජයක් බවයි අගමැති ස්කොට් මොරිසන් පෙන්වා දුන්නේ.
Pic Credit: LUKAS COCH/AAPIMAGE
