පසුගිය සතියේදී ප්‍රකාශයට පත් කල මාර්ග සැළසුම අනුව ලබන අගහරුවාදා එනම් 28 වනදා මධ්‍යම රාත්‍රියේ සිට වික්ටෝරියා ප්‍රාන්තයේ දැනට බලාත්මක Lockdown සීමා ලිහිල් කිරීම ආරම්භ කරන බව ප්‍රාන්ත අගමැති ඩැනියල් ඇන්ඩෲස් පවසයි.
දැන් පැවැත්වෙන මාධ්‍ය හමුවකදී ඔහු මේ බව කියාසිටියේය.
මේ සඳහා ඉලක්කගත දිනය අද (26) වුවද එය දින 02 කින් ප්‍රමාද වන බව ඩැනියල් ඇන්ඩෲස් පැවසීය.
ලබන අගහරුවාදා වනවිට ප්‍රාන්තයේ එන්නත්කරණ ඉලක්කය සියයට 80 සම්පූර්ණ වනු ඇතැයිද ඒ අනුව එදිනම සිට අදාළ ලිහිල් කිරීම් සිදුකරන බවද අගමැතිවරයා පැවසීය.
එදින සිට වෙනස් වන නව නීති කවරේද ?
මෙල්බර්න් නාගරික කලාපය
පළමු අධියර – Phase A
මිතුරන් හමුවීම සඳහා වික්ටෝරියා ප්‍රාන්තවාසීන්ට පිටතට යා හැකිය.
ක්‍රිකට් – ගොල්ෆ් වැනි බාහිර ක්‍රීඩා සඳහා අවසර හිමිවේ.
පුද්ගලයන් 05 ක උපරිමයකට ශරීර සුවතා සඳහා එකවර සහභාගී විය හැකිය.
පාසල් විවෘත කිරීම මෙහිදී සිදුවේ. බොහා් දුරට ඔක්තෝබර් 05 වනදා සිට අධියරෙන් අධියර මෙල්බර්න් පාසල් විවෘත කිරීම ආරම්භ කෙරේ.
එහිදී සතියකට දින 02 ක් හෝ 03 ක් පමණක් සිසුන්ට පාසල්වලට පැමිණීමට අවසර දෙනු ඇත.
