මෙල්බර්න් විරෝධතා සඳහා සහභාගී වූ අයෙකු කොවිඩ් ආසාධිත බව හෙළිවීමත් සමග උද්ඝෝෂණ පාලනයට පැමිණි පොලිස් නිළධාරීන් සැළකිය යුතු පිරිසක් හුදකලා කර තිබේ.
පසුගිය 22 වනදා රාජකාරිවල නිරතවී සිටි පොලිස් නිළධාරීන් මෙලෙස හුදකලා කර ඇති බවයි නිවේදනයක් නිකුත් කරමින් වික්ටෝරියා පොලිස් දෙපාර්තමේන්තුව නිවේදනය කලේ.
කෙසේවෙතත් කොපමණ පිරිසක් මෙලෙස නිරෝධායනය කර ඇතිදැයි අනාවරණ වී නැහැ.
මේ අතර ඉදිකිරීම් සේවකයන්ගේ මෙම විරෝධතාවය හමුවේ මෙල්බර්න් නගරයේ කොවිඩ් වෛරසය අධි වේගයෙන් පැතිරීමේ අවධානමක් පිළිබඳවද අනතුරු ඇගවෙනවා.
වික්ටෝරියා සෞඛ්‍ය දෙපාර්තමේන්තුව ඊයේ විරෝධතාකරුවන්ට දන්වා සිටියේ වහා කොවිඩ් පරීක්ෂණයකට යොමුවී රෝග ලක්ෂණ තිබුණද නොතිබුණද හුදකලාව සිටින ලෙසයි.
