නිවු සවුත් වේල්ස් Hunter ප්‍රදේශයේදී අතුරුදන්ව සිටින 03 හැවිරිදි දරුවා සෙවීමේ මෙහෙයුමේදී සුදු පැහැති Ute එකක් ඇතුලු තවත් සැකකටයුතු ද්‍රව්‍ය කිහිපයක් සොයාගෙන තිබේ.
Anthony “AJ” Elfalak දරුවා අතුරුදන්ව අදට දින 03 ක් ගතවී ඇත.
විමර්ශන නිළධාරීන් විසින් අසළ ඇති ස්ථාන ගණනාවක CCTV කැමරා දර්ශන ලබාගෙන ඇති අතර ඒවාද පරීක්ෂා කිරීම් සිදුකෙරේ.
Anthony “AJ” Elfalak ගේ මව ඊයේ පැවසුවේ සිය දරුවා පැහැරගෙන ඇති බවට සැක කෙරෙන බවයි.
Autism රෝගයෙන් පෙළෙන Anthony Elfalak සිය සහෝදරයාද සමග සෙල්ලම් කරමින් සිටියදී පැහැර ගැනීමට ලක්වූයේ පෙරේදා දහවල් කාලයේයි.
මේ වනවිට පාබල හමුදා – යතුරු පැදි භට කණ්ඩායම් – අශ්වාරෝහක අංශ ඇතුලු විශාල පිරිසක් කිලෝමීටර් 80 ක වපසරියක සෝදිසි මෙහෙයුම් ක්‍රියාත්මක කර ඇත.
මෙම දරුවාගේ නිවස වටා ඝණ වනාන්තර ප්‍රදේශයක් වීම හමුවේ සෝදිසි මෙහෙයුම් අසීරු වී ඇති බවද පැවසේ.
Autism රෝගී තත්වයෙන් පෙළෙන ඔහුට කථා බහ කිරීමටද නොහැකි බවයි දෙමව්පියන් පවසන්නේ.
