60 ට වැඩි ලක්ෂ 05 කට අගමැති මොරිසන්ගෙන් ලියුමක්

ඔස්ටේ්‍රලියාව තුළ මෙතෙක් කොවිඩ් එන්නත ගෙන නොමැති වයස අවුරුදු 60 ට වැඩි සියලු වැඩිහිටි ජනතාව වෙත ලිපියක් යොමු කිරීමට අගමැති ස්කොට් මොරිසන් තීරණය කර තිබේ.

ෆයිසර් එන්නත ලබා ගැනීමට නොසිට වහා ඇස්ට්‍රා-සෙනෙකා එන්නත ලබා ගන්නා ලෙස එමගින් ඔහු ඉල්ලීමක් කිරීමට නියමිතයි.

සියයට 70 – 80 එන්නත්කරණ ඉලක්කය ලගාකර ගැනීමේ උත්සාහයක ඔස්ටේ්‍රලියාව මේ වනවිට නිරතවී සිටින බවත් ඊට වයස අවුරුදු 60 ට වැඩි ජනතාවගෙන් ඉහළ දායකත්වයක් අපේක්ෂා කරන බවත් අගමැතිවරයා දන්වා සිටී.

වහා ප්‍රාන්ත සීමා විවෘත කරගැනීමට මෙන්ම Lockdown සීමා ඉවත් කිරීමට එන්නත්කරණ ඉලක්කය ජය ගත යුතු බවයි අගමැති ස්කොට් මොරිසන් මෙම ලිපිය මගින් අවධාරණය කර ඇත්තේ.

මෙම ලිපිය වයස අවුරුදු 60 ට වැඩි ජනතාව ලක්ෂ 05 ක් වෙත යොමු කිරීමටයි අගමැතිවරයා සැලසුම් කර ඇත්තේ.

දැනට සිඩ්නි නගරයේ සීඝ්‍රයෙන් පැතිර යන ඩෙල්ටා වෛරසයෙන් බේරීමට නම් වහා එන්නත ලබා ගත යුතු බවටද අගමැති මොරිසන් මෙම ලිපිය හරහා ඉල්ලීමක් කර ඇත.

ඔස්ටේ්‍රලියාවේ වයස අවුරුදු 60 ට වැඩි ජනගහණයෙන් සියයට 20 ක් පමණ මේ දක්වා කිසිදු එන්නතක් ලබාගෙන නොමැත.

ඉරාන ප්‍රහාරයක අවදානමක් නිසා ඇමෙරිකා පුරවැසියන්ට දැනුම් දීමක්

ඉරානයෙන් ප්‍රහාරයක් එල්ල වනු ඇතැයි පවතින බිය හේතුවෙන් ඇමරිකා එක්සත් ජනපදය ඊශ්‍රායලයේ සිටින සිය සේවකයන්ට ගමන් බිමන් සීමා කරන ලෙසට උපදෙස් ලබාදී තිබෙනවා.

Read More »

ඔස්ට්‍රේලියාව සහ රටවල් රැසක ළමයින්ට මාරාන්තික විය හැකි රෝගයක් ව්‍යාප්ත වෙයි

ශ්වසන පද්ධතිය ආශ්‍රිතව බෝවන රෝගයක් වන කක්කල් කැස්ස යළි ඔස්ට්‍රේලියාව ඇතුලු ලොව පුරා රටවල් කිහිපයක ව්‍යාප්ත වෙමින් පවතින බව වාර්තා වනවා.

Read More »

මෙවර ඔලිම්පික් උළෙලේ සිට ජයග්‍රාහකයන්ට අලුත් ත්‍යාගයක්

එළැඹෙන ඔලිම්පික් උලෙළේ සිට ජවන හා පිටිය ක්‍රීඩා ඉසව්වලින් ජයග්‍රහණ ලබා ගන්නා ක්‍රීඩක ක්‍රීඩිකාවන්ට මුදල් ත්‍යාග පිරිනැමීමට ලෝක මලල ක්‍රීඩා සම්මේලනය තීරණය කර තිබෙනවා.

Read More »

ආර්ථික වර්ධනය ඉහළ නංවන සැලැස්ම අගමැති හෙළි කරයි

ප්‍රධාන කර්මාන්ත සඳහා ආධාර සපයමින් ඔස්ට්‍රේලියාවේ ආර්ථික වර්ධනය ඉහළ නැංවීමට සැලැස්මක් අග්‍රාමාත්‍ය ඇන්තනී ඇල්බනිස් හෙළි කර තිබෙනවා.

Read More »