ඉන්දීය රුපියල් කෝටි 200කට අධික මුදල් විශුද්ධිකරණ සිද්ධියක් සම්බන්ධයෙන් පරීක්ෂණ සිදුකරන ඉන්දීය මූල්ය අපරාධ පරීක්ෂණ ඒකකය ඒ සම්බන්ධයෙන් ශ්රී ලාංකික සුපිරි බොලිවුඩ් තාරකාවක් වන ජැකලීන් ෆර්නැන්ඩස්ගෙන් ප්රශ්න කර තිබෙනවා.
ඇය ව මෙම ප්රශ්න කිරීමට ලක් ව ඇත්තේ අදාළ මුදල් විශුද්ධිකරණ සිද්ධියේ සාක්ෂිකරුවෙකු ලෙස බවයි, ඒ සම්බන්ධයෙන් විමර්ශන සිදුකරන විමර්ශන ප්රධානීන් සඳහන් කර ඇත්තේ.
ඉන්දීය මූල්ය අපරාධ පරීක්ෂණ ඒකකය බරපතළ මූල්ය අපරාධකරුවෙකු ලෙස සැලකෙන සුකේෂ් චන්ද්රශේකර් සම්බන්ධයෙන් මුදල් විශුද්ධිකරණ විමර්ශනයක් සිදුකරන අතර, එයට සුකේෂ් චන්ද්රශේකර් විසින් ක්රියාත්මක කරන ලද යැ යි කියන කෝටි ගණනක කප්පම් ජාවාරමක් ද අයත්.
අදාළ විමර්ශන නිලධාරීන් ජැක්ලින් ෆර්නැන්ඩස්ගෙන් පැය පහක පමණ කාලයක් ප්රශ්න කර ප්රකාශ සටහන් කරගෙන තිබෙනවා.
36 හැවිරිදි චන්ද්රශේකර්ගේ බිරිඳ ලීනා පෝල් හරහා හඳුනාගත් බවත් ඔහු තමන්ට ද යම්කිසි මුදලක් වංචා කර ඇති බවත් අදාළ ප්රශ්න කිරීම්වල දී ජැක්ලින් ෆර්නැන්ඩස් හෙළි කල බවයි විමර්ශන නිලධාරීන් සඳහන් කරන්නේ.