වයස අවුරුදු 16 ත් 39 ත් අතර වන වික්ටෝරියාවාසීන්ට ෆයිසර් පළමු එන්නත් මාත්‍රාව ලබාදීම හෙට එනම් 25 වන බදාදා සිට ආරම්භ කෙරේ.
ප්‍රාන්ත අගමැති ඩැනියෙල් ඇන්ඩෲස් පැවසුවේ ඔන්ලයින් ක්‍රමයට මේ වනවිටත් ලියාපදිංචි වී ඇති අය සඳහා මෙලෙස එන්නත ලබා ගත හැකි බවයි.
සමස්ත ඔස්ටේ‍රලියාව පුරා 16-39 වයස් කාණ්ඩයට ෆයිසර් පළමු මාත්‍රාව ලබාදීම ආරම්භ වන්නේ ලබන 30 වනදායි.
එහෙත් වික්ටෝරියා ප්‍රාන්තය තුළ දින 05 කට පෙරම එන්නත්කරණය ආරම්භ කිරීමට හැකිවීම ජයග්‍රහණයක් බව අගමැති ඩැනියල් ඇන්ඩෲස් කියාසිටී.
මේ අනුව මීට පෙර ඇස්ට්‍රා-සෙනකා එන්නත සඳහා ලියාපදිංචි වූ වික්ටෝරියා ප්‍රාන්තයේ 16-39 වයස් කාණ්ඩයේ පුද්ගලයන්ටද අවශ්‍ය නම් ෆයිසර් එන්නත ලබාගත හැකිය.
සතිපතා ෆයිසර් මාත්‍රා මිලියනයක් බැගින් පෝලන්තයෙන් ගෙන්වා ගැනීමට අගමැති ස්කොට් මොරිසන් පසුගියදා සමත්විය.
