Update: Blackburn North නිවසකින් පැහැරගත් දරුවන් දෙදෙනා හමුවෙයි – AusLanka TV – Australian News for the Sri Lankan community

Update: Blackburn North නිවසකින් පැහැරගත් දරුවන් දෙදෙනා හමුවෙයි

Update: Blackburn North නිවසකින් පැහැරගත් දරුවන් දෙදෙනා හමුවෙයි

Blackburn North හි නිවසකට ආයුධ සන්නද්ධව පැමිණි පුද්ගලයෙකු විසින් පැහැරගනු ලැබූ කුඩා දරුවන් දෙදෙනා ආරක්ෂිතව සොයාගෙන තිබේ.

Mitcham ප්‍රදේශයේ නිවසක සිටියදී ඔවුන් දෙදෙනා සොයාගත් බවයි වික්ටෝරියා පොලිසිය සඳහන් කලේ.

මෙලෙස හමුවී ඇත්තේ Adilla Wally (අවුරුදු 05) & Bilal Wally (අවුරුදු 03) නම් දරුවන් දෙදෙනායි.

සිද්ධිය සම්බන්ධයෙන් පිරිමි 03 දෙනෙකු සහ කාන්තාවක අත්අඩංගුවට ගෙන ප්‍රශ්න කෙරෙමින් පවතී.

ළමුන් දෙදෙනා සොයාගෙන ඇත්තේ ඔවුන් නිවසේ තිබියදී පැහැරගනු ලැබූ Mercedes Benz මෝටර් රථයේ සිටියදීය.

මේ වනවිට ඔවුන් දෙදෙනා වෛද්‍ය පරීක්ෂණ කිහිපයකටද යොමු කර ඇත.

Springfield පාරේ පිහිටි නිවසට අද පෙරවරු 08 – 08.30 අතර ඇතුලු වූ පුද්ගලයෙකු මෙම පැහැරගැනීම සිදුකර ඇත.

සැකකරු දරුවන් දෙදෙනාගේ මවට (32) පහරදී මෙම පැහැරගැනීම සිදුකර තිබේ.