Blackburn North හි නිවසකින් කලු පැහැති වර්ගයේ Mercedes Benz මෝටර් රථයක් පැහැරගෙන ගොස් ඇති අතර නිවසේ සිටි දරුවන් දෙදෙනෙකුද අතුරුදන්වී ඇත.
Springfield පාරේ පිහිටි නිවසට අද පෙරවරුවේ ඇතුලු වූ පුද්ගලයෙකු මෙම පැහැරගැනීම සිදුකර ඇතැයි වික්ටෝරියා පොලිසිය කියයි.
වාහනයේ ලියාපදිංචි අංකය BEQ 882 වන අතර එය Springfield මාර්ගය ඔස්සේ නැගෙනහිර දෙසට පදවාගෙන යන ආකාරයක් සී සී ටී වී දර්ශනවල අඩංගුය.
අතුරුදන්ව සිටින ළමුන් දෙදෙනාගෙන් ගැහැණු ළමයාට වයස අවුරුදු 05 ක් වන අතර පිරිමි ළමයාට අවුරුදු 03 කි.
ඔවුන් ආසියානු සම්භවයක් සහිත අය ලෙසටයි තහවුරු වී ඇත්තේ.
එම නිවසේ පදිංචි එහෙත් අදාළ පැහැරගැනීම සිදුවන අවස්ථාවේ නිවසේ නොසිටි පිරිමි අයෙකුද පොලිස් පරීක්ෂණවලට සහය දෙමින් සිටී.
වික්ටෝරියා පොලිසිය මේ වනවිට ප්රදේශය පුරා පුලුල් සෝදිසි මෙහෙයුමක් ආරම්භ කර ඇති අතර කිසියම් තොරතුරක් වෙතොත් 000 හෝ 1800 333 000 අමතන ලෙස ඉල්ලීමක් කෙරේ.
Pic – ABC News