සමස්ත නවසීලන්තයම වසා දැමීමට හේතුවූ ඕක්ලන්ඩ් නුවරින් හමුවු කොවිඩ් ආසාධිතයා පැමිණ ඇත්තේ නිවු සවුත් වේල්ස් ප්‍රාන්තයේ සිට බව හෙළිවී ඇත.
නවසීලන්ත අගමැතිනී ජසින්ඩා ආර්ඩර්න් ඒ බව පැවසුවේ අද පැවති මාධ්‍ය හමුවකදීයි.
කෙසේවෙතත් Lockdown තත්වයක් තිබියදී මෙම පුද්ගලයා නිවු සවුත් වේල්ස් සිට නවසීලන්තයට පැමිණියේ කෙසේදැයි යන්න පිලිබඳ මේ වනවිට විමර්ශනයක්ද ආරම්භ කර ඇත.
නිවු සවුත් වේල්ස් සිට පැමිණ නිරෝධායනය වූ අය අතර පවා මෙම පුද්ගලයා නොසිටි බවටයි වාර්තා පළවී ඇත්තේ.
අද දිනයේදී නවසීලන්තයෙන් තවත් කොවිඩ් ආසාධිතයන් දෙදෙනෙකු හමුවී ඇති අතර ඒ අනුව දැනට ප්‍රතිකාර ලබන ගණන 07 දක්වා ඉහළ යයි.
