වික්ටෝරියා ප්‍රාන්තයේ වයස අවුරුදු 18 ට වැඩි ඕනෑම පුද්ගලයෙකු හට AstraZeneca එන්නත දැන් ලබාගත හැකි බව ප්‍රාන්ත අගමැති Daniel Andrews පැවසුවේය.
එමෙන්ම ඉදිරි සති 5 තුළ ප්‍රාන්ත වැසියන් මිලියනයකට කොවිඩ් එන්නත ලබාදීමටද ප්‍රාන්ත රජයට අවශ්‍ය වී තිබේ.
ගතවූ පැය 24 තුළ වික්ටෝරියා ප්‍රාන්තයෙන් අලුතින් කොරෝනා ආසාදිතයින් 15 ක් හමුවී තිබේ.
ඒ සියලු ආසාදිතයින්ගෙන් සිව් දෙනෙකු දැනට හඳුනාගෙන ඇති කොරෝනා පොකුරු වලට සම්බන්ධ නොවන බව හෙළිවී ඇත.
ගතවූ පැය 24 තුළ ක්වීන්ස්ලන්ත ප්‍රාන්තයෙන් අලුතින් කොරෝනා ආසාදිතයින් 7 ක් හමුවී තිබේ.
අගෝස්තු 14 සිට ACT වලින් ක්වීන්ස්ලන්තය වෙත පැමිණෙන ඕනෑම පුද්ගලයෙකු හෝටල් නිරෝධායනය විය යුතුය.
