මහනුවර ශ්‍රී දළදා මාළිගාවේ ඓතිහාසික ඇසළ පෙරහර මංගල්‍යයේ පළමු කුඹල් පෙරහැර අද රාත්‍රී වීථි සංචාරය කිරීමට නියමිතයි.
පවතින කොවිඩ් වසංගතය හමුවේ මෙවර ඇසළ මංගල්‍යය ජනතා සහභාගිත්වයෙන් තොරවයි පැවැත්වෙන්නේ.
අද සිට ලබන 17 වැනිදා දක්වා කුඹල් පෙරහැර වීථි සංචාරය කෙරුණ ද එය නැරඹීම සඳහා ජනතාවට අවස්ථාව හිමිවන්නේ නැහැ.
ඇසළ පෙරහර මංගල්‍යයේ පළමු රන්දෝලි පෙරහර ලබන 18 වැනිදා ආරම්භ වන අතර, 22 වැනි දිනට යෙදෙන පොහෝ දිනයේ දී අවසන් රන්දෝලි පෙරහර වීථි සංචාරය කිරීමට නියමිත යි.
මෙවර මහනුවර ඇසළ පෙරහර මංගල්‍යය ඔස්ටේ්‍රලියාව ඇතුලු ලොව පුරා වාසය ශ්‍රී ලාංකිකයන් වෙනුවෙන් සජීවීව විකාශය කිරීමට AusLanka TV කටයුතු යොදා තිබේ.
ඔස්ටේ්‍රලියාවේ සිට ක්‍රියාත්මක වන සිංහල මාධ්‍ය නාලිකාවක් එලෙස ඇසළ පෙරහර සජීවීව විසුරුවා හරින පළමු අවස්ථාවද මෙයයි.
