ෆයිසර් හා මොඩර්නා එන්නත් ඔස්ටේ්‍රලියාව තුළදීම නිෂ්පාදනය කිරීමේ යෝජනාවක් වික්ටෝරියා ප්‍රාන්ත රජය විසින් ඉදිරිපත් කර ඇත.
ඒ සඳහා ප්‍රාන්ත රජය විසින් වෙන් කර ඇති මුදල ඩොලර් මිලියන 50 කි.
වික්ටෝරියා ප්‍රාන්ත රජය සහ ෆෙඩරල් රජය ඒකාබද්ධ ව්‍යාපෘතියක් ලෙස මෙය ක්‍රියාවට නැංවෙනු ඇති.
මෙම එන්නත් නිෂ්පාදනාගාරය මෙල්බර්න් නුවර ස්ථාපිත කිරීමට නියමිතයි.
දැනට යුරෝපයේ සහ අමෙරිකාවේ සිට එන්නත් ගෙන්වා ගැනීමට වැයවන කාලය මෙන්ම මුදල්ද මෙමගින් ඉතිරිවනු ඇතැයි අපේක්ෂා කෙරේ.
කෙසේවෙතත් මේ සඳහා තවත් වසරකට වැඩි කාලයක් ගතවනු ඇති බවටයි ගණන් බලා ඇත්තේ.
දැනට මෙරටදී නිපදවනු ලබන්නේ කොවිඩ් මර්දන ඇස්ට්‍රා-සෙනෙකා එන්නත පමණි.
