ටෝකියෝ ඔලිම්පික් උළෙල අදින් නිමාවට – ඔස්ටේ්‍රලියාව 06 වන ස්ථානයේ – AusLanka TV – Australian News for the Sri Lankan community

ටෝකියෝ ඔලිම්පික් උළෙල අදින් නිමාවට – ඔස්ටේ්‍රලියාව 06 වන ස්ථානයේ

ටෝකියෝ ඔලිම්පික් උළෙල අදින් නිමාවට – ඔස්ටේ්‍රලියාව 06 වන ස්ථානයේ

දින 16 ක් පුරා පැවති 2020 ටෝකියෝ ඔලිම්පික් උළෙල අදින් නිමාවට පත්වනවා.

ටෝකියෝ වේලාවෙන් පස්වරු 08 ට සමාප්ති උත්සවය ආරම්භවීමට නියමිතයි.

ඊට පෙර අද පෙරවරුවේ පිරිමි මැරතන් ධාවන තරගය ඇතුලු අවසාන ඉසව් කිහිපයක්ද පැවැත්වෙනු ඇති.

කොවිඩ් තත්වය හමුවේ සමාප්ති උත්සවයද නරඹන්නන්ගෙන් තොරව සංවිධාන කර තිබෙනවා.

ඔලිම්පික් ක්‍රීඩාංගණයේ දල්වා ඇති ඔලිම්පික් පහන නිවා දැමීම මෙන්ම 2024 වසරේදී ඔලිම්පික් උළෙල පැවැත්වීමට නියමිත ප්‍රංශයේ පැරිස් නගරය වෙත ඔලිම්පික් ධජය භාරදීමද සමාප්ති උත්සවයේදී සිදුකෙරෙනවා.

ටෝකියෝ ඔලිම්පික් උළෙල් පදක්කම් සටහනට අනුව තවමත් පෙරමුණේ පසුවන්නේ චීනයයි.

රන් පදක්කම් 38 ක් / රිදී 31 ක් සහ ලෝකඩ 18 ක් ඔවුන් දිනාගෙන තිබෙනවා.

අමෙරිකාව 02 වන ස්ථානයේ පසුවන්නේ රන් 36 ක් / රිදී 39 ක් සහ ලෝකඩ 33 ක් හිමිකර ගනිමිනුයි.

රන් 27 ක් / රිදී 12 ක් සහ ලෝකඩ 17 ක් සමග සත්කාරක ජපානය 03 වන ස්ථානයට පත්ව තිබෙනවා.

රුසියානු ඔලිම්පික් කමිටුව 04 වන ස්ථානයේත් / මහා බ්‍රිතාන්‍යය 05 වන ස්ථානයේත් / ඔස්ටේ්‍රලියාව 06 වන ස්ථානයේත් පසුවනවා.

රටවල් 93 ක් විසින් කුමන හෝ පදක්කමක් දිනාගෙන ඇති අතර ශ්‍රී ලංකාව නියෝජනය කල ක්‍රීඩක ක්‍රීඩිකාවන් 09 දෙනාට කිසිදු පදක්කමක් දිනා ගැනීමට හැකිවූයේ නැහැ.