ඔන්ලයින් පන්ති සඳහා සහභාගිවීමට සුදුසු ස්මාර්ට් ජංගම දුරකථනයක් නොමැතිවීම නිසා සිත් තැවුලට පත් 10 ශ්‍රේණියේ ඉගෙනුම ලබන දරුවෙකු සියදිවි නසාගත් අවාසනාවන්ත පුවතක් වාරියපොල ප්‍රදේශයෙන් වාර්තා වනවා.
මෙලෙස සියදිවි නසාගෙන ඇත්තේ වාරියපොල ප්‍රදේශයේ පාසලක අධ්‍යාපනය ලැබූ දරුවෙකි.
ඔහු දරුවන් 03 දෙනෙකුගෙන් යුත් පවුලේ මද්දුමයාය.
මවුපියන් වත්තේ වැඩක නිරත වී ආපසු නිවසට පැමිණ කතා කරද්දි පිළිතුරක් නොලැබුණු නිසා ඔහුගේ කාමරයේ දොර විවෘත කර බැලීමේදී දැකිය හැකි වූයේ දරුවා සිය දිවි නසාගෙන සිටින අයුරුයි.
පසුව කුරුණෑගල පළාත් මහ රෝහලේ දී සිදු කළ මරණ පරීක්ෂණයේදී ඔහුගේ මරණය ගෙළ සිරවීමෙන් සිදුවූ මරණයක් බවට තහවුරු වූවා.
