අද රාත්‍රී 12 සිට වහාම ක්‍රියාත්මක වන පරිදි වික්ටෝරියා ප්‍රාන්තය Lockdown කර තිබේ.
ලබන අගහරුවාදා රාත්‍රී 12 දක්වා එය බල පැවැත්වෙන බවයි ප්‍රාන්ත අගමැති ඩැනියෙල් ඇන්ඩෲස් සඳහන් කලේ.
සමස්ත ප්‍රාන්තයටම මෙම රෙගුලාසි බලාත්මක වන බවයි අගමැතිවරයා කියාසිටියේ.
මෙය මෙල්බර්න් නගරය Lockdown කරන 05 වන අවස්ථාවයි.
අත්‍යවශ්‍යම කරුණු 05 කට පමණක් නිවාසවලින් පිටතට යා හැකියි.
– ආහාර හෝ අත්‍යවශ්‍යම ද්‍රව්‍ය මිලයට ගැනීමට
– සත්කාරක සේවා
– ව්‍යායාම් කටයුතු
– එන්නත ලබාගැනීම
– රැකියා හෝ අධ්‍යාපන කටයුතු
නිවාසවලින් පිටතට ගමන් කල හැකි වනුයේ උපරිම කිලෝමීටර් 05 ක දුරකට පමණි.
එමෙන්ම අවන්හල් විවෘතව තැබිය හැකි නමුත් Take-away ක්‍රමයට පමණක් ආහාර ලබාගත යුතු අතර ඇතුළත රැඳී සිට ආහාර ගත නොහැකිය.
ඊයේ දිනයේදී වික්ටෝරියා ප්‍රාන්තයෙන් කොවිඩ් ආසාධිතයන් 10 ක් වාර්තා වූ අතර ඩෙල්ටා ප්‍රභේදය ආසාධිතයෙකුද ඒ අතර වෙයි.
අවසානයට සටහන්වූ ආසාධිතයන් දෙදෙනා MCG ක්‍රීඩාංගණයේ පසුගිය සෙනසුරාදා පැවති Carlton v Geelong තරගය නැරඹීමට ගොස් ඇත.
එමෙන්ම කොවිඩ් අවධානම හමුවේ මෙල්බර්න් හි 03 වන පාසලත් වසා දමා ඇත.
