කොවිඩ් මර්දනයට ඔස්ටේ්‍රලියාව තුල නිෂ්පාදනය කරන එන්නතේ මූලික අත්හදා බැලීම් මාස කිහිපයක් තුළ ආරම්භ කරන බව වික්ටෝරියා වැඩ බලන අගමැති ජේම්ස් මර්ලීනෝ අද පැවසීය.
මේ සඳහා ප්‍රාන්ත රජය වැය කරන මුදල ඩොලර් මිලියන 05 කි.
කොවිඩ් මර්දනයට දැනට වෙන්කර ඇති ඩොලර් මිලියන 50 ක අරමුදලින් එම මුදල ලබාගන්නා බව ප්‍රාන්ත අගමැතිවරයා පැවසීය.
මොනෑෂ් විශ්ව විද්‍යාලයේ පරීක්ෂණ කණ්ඩායමක් විසින් මෙම එන්නත අත්හදා බැලීම් සිදුකිරීමට නියමිතයි.
කොවිඩ් වෛරසය තවත් කාලයක් පුරා පවතිනු ඇතැයි අනුමාන කර මෙම එන්නත නිපදවන බවද ජේම්ස් මර්ලීනෝ කියා සිටියේය.
මෙම වසර තුළදී සායනික අත්හදා බැලීම් ආරම්භ කලහොත් ලබන වසර මුල වනවිට එහි ප්‍රථිඵල ලැබෙනු ඇති බවටයි ඔහු විශ්වාසය පළකලේ.
