පළමු කොවිඩ් රැල්ලට සාර්ථකව මුහුණ දුන් ආසියානු පැසිෆික් රටවල් 08 ක වත්මන් තත්ත්වය පිළිබඳ විශේෂ වාර්තාවක් නිකුත් කර තිබේ.
බී.බී.සී. පුවත් සේවය එම වාර්තාව නිකුත් කළේ, ඔස්ටේ්‍රලියාව, නවසීලන්තය, සිංගප්පූරුව, වියට්නාමය, ජපානය, හොංකොං, දකුණු කොරියාව හා තායිවානයට අදාළවයි.
එහි දැක්වුණේ, අදාළ රටවල් අනුගමනය කළ දැඩි සංචරණ සීමා හා ආසාදිතයින්ගේ ආශ්‍රිතයින් හඹායාම වැනි පියවර හමුවේ පළමු රැල්ල සාර්ථකව මැඩ පැවැත් වූ බවයි.
ඒ හේතුවෙන් එම සියලූ රටවල් 2020 වසරේ කොවිඩ් වසංගතයට සාර්ථකව මුහුණ දුන් රටවල් ලැයිස්තුවේ මුල් ස්ථානවලට පත්වීමට සමත්වූ බවද සඳහන්.
කෙසේවෙතත් මේ වනවිට අදාළ රටවල් වත්මන් කොවිඩ් තත්ත්වයට සාර්ථකව මුහුණ දීමට අසමත් වී ඇති බවයි බී.බී.සී.ය නිකුත් කළ වාර්තාවේ දැක්වෙන්නේ.
ඊට හේතු ලෙස දක්වා ඇත්තේ, නව කොවිඩ් ප්‍රභේද ව්‍යාප්ත වීම, එන්නත් හිගය හා වසංගතයට මුහුණ දීමට නිසි සැලසුමක් එම රටවල් සතුව නොමැති වීමයි.
