කොවිඩ් තත්වය හමුවේ උසස් අධ්‍යාපනය සඳහා ඔස්ටේ්‍රලියාවට පැමිණීමට නොහැකිව සිටින ජාත්‍යන්තර සිසුන්ගෙන් සියයට 93 ක් පමණ විවිධ මානසික පීඩාවලට ලක්වී ඇතැයි අධ්‍යයනයක් හෙළි කර තිබේ.
සියයට 36 ක් පමණ වෙනත් රටක අධ්‍යාපනය හැදෑරීමට කැමැත්තෙන් පසුවන බවද මෙහිදී හෙළිවී ඇත.
ජාත්‍යන්තර සිසුන් 600 ක් පමණ යොදාගෙනයි පසුගිය මාර්තු මාසයේදී මෙම අධ්‍යයනය සිදුකර ඇත්තේ.
ඇතැම් විශ්ව විද්‍යාල Online ක්‍රමයට පාඨමාලා පැවැත්වුවද කාල පරාස (Time Zone) වෙනස්වීම / තාක්ෂණික ගැටලු ආදී ප්‍රශ්න හමුවේ එම ක්‍රමය අසාර්ථක බව සිසුන් සැළකිය යුතු පිරිසක් ප්‍රකාශ කර තිබේ.
ශිෂ්‍ය වීසා ලැබ මුල් වරට ඔස්ටේ‍රලියාවට පැමිණීමට නොහැකිව සිටින සිසුන් මෙන්ම කොවිඩ් තත්වය හමුවේ සිය මව්රටවල් බලා ගිය පිරිස්ද මේ අතර වනවා.
පසුගිය සතියේදී ඔස්ටේ‍රලියා රජය අවධාරණය කලේ 2022 වසර වන තෙක් දේශ සීමා විවෘත කිරීමට අපේක්ෂාවක් නොමැති බවයි.
