ශ්‍රී ලංකා රුපියල හමුවේ අමෙරිකානු ඩොලරය පහළ යයි – ඔස්ටේ්‍රලියා ඩොලරයට හිමි තැන ගැන ඔබ දැනුවත්ද ??

ශ්‍රී ලංකා මහ බැංකුවේ දෛනික විනිමය අනුපාතික සටහනට අනුව අද (19) දිනයේ දී එක්සත් ජනපද ඩොලරයක ගැනුම් මිල රු. 187.93 ක් හා විකුණුම් මිල රු. 191.97 ක් ලෙසින් වාර්තා වී තිබේ.

2021 මාර්තු 15 දිනෙන් පසු ඩොලරයේ විකුණුම් මිල රු. 200.00 සීමාවෙන් මෙපිටට පැමිණි පළමු අවස්ථාව මෙයයි.

එසේම 2021 ජනවාරි 08 දිනෙන් පසු වාර්තා වූ පහළම විකුණුම් මිල ද මෙය වේ.

ඉතිහාසයේ ඉහළම අගය සටහන් කරමින් පසුගිය අප්‍රේල් 15 දින ඩොලරයේ විකුණුම් මිල රු. 204.62 ක් දක්වා ඉහළ ගිය අතර ඊට පසු දින එනම් අප්‍රේල් 16 දින එම අගය රු. 201. 28 ක් දක්වා වාර්තා ගත ලෙස පහළ ගියේය.

විශ්ලේෂකයින් පවසන්නේ චීන සංවර්ධන බැංකුවෙන් (China Development Bank) දෙන ලද ඒක්සත් ජනපද ඩොලර් මිලියන 500 ක ණය මුදල ශ්‍රී ලංකාවට ලැබීමත් සමඟම රුපියල කෙරෙහි ඇති කරන ලද විදේශ විනිමය පීඩනය යම්තාක් දුරකට පාලනය වීම මෙලෙස රුපියල අතිප්‍රමාණය වීමට හේතු වී ඇති බවයි.

ශ්‍රී ලංකා මහ බැංකුව පවසන පරිදි අප්‍රේල් 16 දින වන විට එක්සත් ජනපද ඩොලරයට සාපේක්ෂව ශ්‍රී ලංකා රුපියල 2021 වසර තුළ දී සියයට 6.8කින් අවප්‍රමාණය වී තිබේ.

COUNTRY	BUYING	SELLING
USA U.S.DOLLAR	187.9300	191.9700
UK STERLING POUND	258.9133	266.1501
EUROPE EURO	223.5543	230.2098
SWITZERLAND SWISS FRANC	203.8056	211.5061
CANADA CANADIAN DOLLAR	149.9277	155.3211
AUSTRALIA AUSTRALIAN DOLLAR	144.0808	149.2929
SINGAPORE SINGAPORE DOLLAR	140.2174	144.5225
JAPAN JAPANESE YEN	1.7275	1.7718