Day: April 19, 2021

BSMQ State Nomination වැඩසටහන යටතේ වන 491 වීසා කාණ්ඩය යටතේ නිපුණතා සංක්‍රමණිකයන් වෙනුවෙන් වීසා අයදුම්පත් කැඳවීම ආරම්භ කර තිබෙනවා. ලබන 25 වනදා දක්වා අයදුම්පත් භාරගැනීම සිදුකෙරෙනු ඇති. පෙබරවාරි 17 වනදායින් පසු EOI ඉදිරිපත් කර ඇති පුද්ගලයන් නැවතත් EOI යොමු කිරීම අවශ්‍ය වන්නේ නැහැ. මේ පිළිබඳ සවිස්තර තොරතුරු පහත සබැඳියෙන් කියවන්න. https://migration.qld.gov.au/

Extra leg room පහසුකම වෙනුවෙන් ක්වන්ටාස් ගුවන් සේවය විසින් ඩොලර් බිලියනයකට ආසන්න මුදලක් අය කිරීමට සූදානම්වීමේ පුවත් වාර්තා වනවා. මෙම අත්දැකීමට මුහුණපා ඇත්තේ මෙල්බර්න් හි සිටින විකට නලුවෙකු වන Dave O’Neil. ඔහු විසින් අන්තර්ජාලය ඔස්සේ ගුවන් ප්‍රවේශ පත්‍රයක් වෙන් කරවා ගැනීමට යාමේදී මෙලෙස අය කිරීමක් සිදුකෙරන බවට දැනුම් දී ඇති බවයි ට්විටර් සටහනක දක්වා තිබුණේ. මේ සඳහා ඇතැමුන් උපහාසාත්මක සටහන්ද යොදා තිබුණා. ඇතැමෙකු විමසා තිබුණේ “ඔබ ආසනයක් වෙනුවට මුලු ගුවන් යානයක්ම මිළයට ගැනීමට යනවාද” යන්නයි.

අද සිට ගිනිකොනදිග ඕස්ට්‍රේලියාවේ ප්‍රදේශ රැසක් සඳහා සිසිල් කාළගුණ තත්වයන් පුරෝකථනය කර ඇත. සීතල සුළං ධාරා ගිනිකොන දෙසට ගමන් කරමින් ටස්මේනියාව සහ දකුණු වික්ටෝරියා වෙත තද සුළං ගෙන එනු ඇති අතර, අද සවස ටස්මේනියාවේ බටහිර හා දකුණු ප්‍රදේශවලට 90-110 Kmph අතර තද සුළං ඇති වේ. මෙල්බර්න් – අද දින 21C ට වඩා ඉහළින් – හෙට සිට උෂ්ණත්වය සාමාන්‍යයට වඩා අංශක හතරක් දක්වා පහත වැටෙනු ඇත. කැන්බරා සඳහා සිසිල් තත්වයන් ද අපේක්ෂා කෙරේ. අද උපරිම වශයෙන්