මෙල්බර්න්හි බාලිකා පාසැලක සිසුන්ගේ සමේ පැහැය හේතුවෙන් ඔවුන් පාසල් ඡායාරූපවලින් ඉවත් කර ඇති බවට චෝදනා එල්ල වී තිබෙනවා.
සිසුවියන්ගේ සමේ වර්ණය සහ ආගම නිසා ඔවුන් වෙන් කර සැලකීම සම්බන්ධයෙන් දෙමාපියන් අධ්‍යාපනය බලධාරීන් වෙත පැමිණිලි කර ඇති බවයි වාර්තා වන්නේ.
කෙසේ වෙතත් ප්‍රාන්ත අධ්‍යාපන දෙපාර්තමේන්තුව එම චෝදනා ප්‍රතික්ෂේප කර ඇතැයි සඳහන්.
දෙමාපියන් පෙන්වා දෙන්නේ මෙල්බර්න් හි උසස් පාසලක මේ වසරේ ලබාගත් සමුහ ඡායාරූපවලින් තලෙලු පැහැයට හුරු දරුවන් ඉවත් කර ඇති බවයි.
එමෙන්ම හිජාබ් පැළඳ සිටි මුස්ලිම් ගැහැණු ළමයින්ට එම ඇඳුම් ඉවත් කරන ලෙසට ද නියෝග කර ඇති බවයි පැවසෙන්නේ.
සිසුවියන් පිරිසකගේ සමේ වර්ණය නිසා ඉවත් කර ඇති අතර අනෙක් අයට ඔවුන්ගේ සහෝදර සහෝදරියන් සමඟ ඡායාරූපයක් ගැනීමට ද ඉඩ නොදුන් බවයි දෙමාපියන් පවසන්නේ.
White Australia ප්‍රතිපත්තියට නැවත පැමිණ ඇති බවට දෙමව්පියන් පාසලට චෝදනා ඉදිරිපත් කර තිබෙනවා.
වික්ටෝරියා අධ්‍යාපන දෙපාර්තමේන්තුව පාසල වෙනුවෙන් එම චෝදනා ප්‍රතික්ෂේප කර නිවේදනයක් නිකුත් කළ ද ඒ පිළිබද වැඩිදුර විමර්ශන පවත්වන බවයි සඳහන් කර ඇත්තේ.
