සංචාරක ශ්‍රී ලංකා කණ්ඩායම සහ බංග්ලාදේශය අතර තීරණාත්මක තුන්වන එක්දින තරගය අද බංග්ලාදේශයේ චටෝග්‍රම් හිදී පැවැත්වෙනවා.
තරග 3කින් සමන්විත එක්දින තරගාවලියේ පළමු තරගයෙන් බංග්ලාදේශය ජයගත් අතර දෙවන තරගයේ ජය හිමිවූයේ ශ්‍රී ලංකාවටයි.
ඒ අනුව තරගාවලියේ ජය ලබා ගැනීම වෙනුවෙන් මෙම අවසන් එක්දින තරගය දෙරටටම අතිශය තීරණාත්මක එකක් වනු ඇති.
බංග්ලාදේශයට එරෙහි 20-20 තරගාවලිය දෙකට එකක් ලෙස ශ්‍රී ලංකාව ජයග්‍රහණය කළා.
මේ අතර ආබාධයකට ලක්වීම හේතුවෙන් වේග පන්දු යවන ක්‍රීඩක ඩිල්ෂාන් මදුෂංකට අද පැවැත්වෙන තුන්වන එක්දින තරගය අහිමි වී තිබෙනවා.
ශ්‍රී ලංකා ක්‍රිකට් ආයතනය සඳහන් කළේ දෙවන එක්දින තරගය අතර වම් පාදයේ ආබාධයකට ලක්වීම හේතුවෙන් ඩිල්ෂාන් මදුෂංක අවසන් එක්දින තරගයට සහභාගී නොවන බවයි.
පළමු සහ දෙවන එක්දින තරග දෙකේදීම ඔහු බංග්ලාදේශ කණ්ඩායමේ කඩුලු 2 බැගින් බිඳහෙලුවා.
