ලබන මස අග දී කොරෝනා එන්නත ශ්‍රී ලංකාවට! 50%කට එන්නත නොමිලේ ලබා දීමට සැලසුම් කෙරේ.
ලබන මස අගදී ශ්‍රී ලංකාවේ මිලියන 11කට කොවිඩ් එන්නත ලබා දෙන බව ඊයේ පැවති කැබිනට් මාධ්‍ය හමුවේදී අමාත්‍ය කෙහෙළිය රඹුක්වැල්ල මහතා ප්‍රකාශ කළා.
දැනට එන්නත් 04 ක් පිළිබඳව අවධානය යොමු වී ඇති බවත් එන්නත්කරණයේදී 50% කට එය නොමිලේ ලබා දීමට රජය සැලසුම් කර තිබෙන බව ද කෙහෙළිය රඹුක්වැල්ල අමාත්‍යවරයා එහිදී කියා සිටියා.
සෞඛ්‍ය සහ ආරක්ෂක අංශ සහභාගීත්වයෙන් සැලසුම් සහගතව එන්නත ලබාදීමේ ප්‍රමුඛතා ලයිස්තුවක් සකසා ඇති අතර 60 – 70 වයස් සීමා වල පසුවන්නන්ද එයට ඇතුලත් කර තිබෙනවා.
ඉදිරියේදී මේ පිළිබඳව වැඩිදුර තොරතුරු ජනතාවට ලබා දීමට අපේක්‍ෂා කරන බවයි ඔහු අවසානයේ සඳහන් කලේ.
