අභ්‍යන්තර සහ ජාත්‍යන්තර ගමනාන්ත රැසක් සඳහා වන ගුවන් ගාස්තු කැපී පෙනෙන ලෙස පහත දැමීමට ඔස්ට්‍රේලියාවේ ප්‍රධානතම අඩු පිරිවැය ගුවන් සේවය වන ජෙට් ස්ටාර් පියවර ගෙන තිබෙනවා.
සතියක් පුරා ක්‍රියාත්මක මෙම වට්ටම් කාලසීමාවේදී ගුවන් ගමන් වෙන් කරවා ගැනීම් ලක්ෂ 04 කට පමණ මෙම අවස්ථාව උදාවනු ඇති බවටයි අනාවැකි පළවන්නේ.
ඇතැම් අභ්‍යන්තර ගුවන් ගමනාන්ත සඳහා වන ගාස්තු ඩොලර් 29 ක් වැනි ඉතා අඩු අගයකට පහළ දමා තිබීම විශේෂත්වයක්.
ඩාර්වින් – පර්ත් සහ ඇඩිලේඩ් සිට ඉන්දුනීසියාවේ බාලි දක්වා වන ගාස්තු ඩොලර් 139 ක් වැනි අගයකට අඩු කර තිබෙනවා.
නවසීලන්තය – ෆිජී – වියට්නාමය – ජපානය – තායිලන්තය – ටොංගා සහ දකුණු කොරියාවේ ඇතැම් තෝරාගත් ගමනාන්ත වෙත සිදුකරන ගුවන් ගමන් ගාස්තු ඩොලර් 165 ක් වැනි මුදලකටයි නියම කර ඇත්තේ.
ලබන බදාදා මධ්‍යම රාත්‍රියෙන් මෙම වෙන්කරවා ගැනීම් අවසන් වන අතර ලබන වසරේ ජූනි දක්වා දින වෙන් කරවා ගැනීම් සිදුකල හැකියි.
