සයිබර් ප්‍රහාරවලින් බේරීමට දිනකට එක් වරක් හෝ ජංගම දුරකථනය ක්‍රියා විරහිත කර නැවත පණ ගන්වන්නැයි (restart) අගමැති ඇන්තනී ඇල්බනීස් ඔස්ට්‍රේලියානුවන්ට දැනුම් දෙනවා.
එමගින් සයිබර් අපරාධකරුවන්ට අනවසර පිවිසීම් සඳහා ඇති ඉඩකඩ අවම වන බවයි අගමැතිවරයා පෙන්වා දෙන්නේ.
මෙය සයිබර් ප්‍රහාරවලින් වැළකීම සඳහා ස්ථිර විසඳුමක් නොවන නමුත් නිරතුරුව සිදු කිරීමෙන් යම්තාක් ප්‍රථිඵල අත්කර ගත හැකි බවයි ඇන්තනී ඇල්බනීස් අවධාරණය කලේ.
දිනපතා රාත්‍රියේ විනාඩි 05 ක කාලයකට මෙලෙස ජංගම දුරකථනය ක්‍රියා විරහිත කර තබන්නැයි අගමැතිවරයා සියලුම ඔස්ට්‍රේලියානුවන්ගෙන් ඉල්ලා සිටිනවා.
සයිබර් අපරාධකරුවන්ගේ වැඩිම ඉලක්කය සහිත රටක් ලෙසයි ඔස්ට්‍රේලියාව සැළකෙන්නේ.
