ප්‍රධාන නගරවල කුළී නිවාස අතුරින් සියයට 44 ක පමණ කුළිය පසුගිය වසරට වඩා සියයට 10 කින් පමණ ඉහළගොස් තිබෙනවා.
සංක්‍රමණිකයන්ගේ සහ විදෙස් සිසුන්ගේ පැමිණීම් ඉහළයාම හමුවේ නිර්මාණය වී ඇති අධික ඉල්ලුම මීට ප්‍රධාන හේතුවයි.
සෑම මාසයකදීම පෙර මාසයට වඩා සියයට 01 කින් පමණ නිවාස කුළී අගයන් ඉහළ ගොස් ඇති බවයි මෑතකදී සිදුකර ඇති සමීක්ෂණයක දැක්වෙන්නේ.
නිවාස ඒකක (unit) සැළකීමේදී මේ වනවිට වැඩිම අගයන් සටහන් වන්නේ සිඩ්නි නගරයේ වන අතර අඩුම කුළිය වාර්තා වන්නේ ඇඩිලේඩ් නගරයෙනුයි.
කෙසේවෙතත් නිවාස සැළකීමේදී ඉහළම වටිනාකම සටහන් වන්නේ කැන්බරා නගරයේ යි.
