ඔස්ට්‍රේලියාව තුළ ස්ථාපිත සමාගම් සහ ව්‍යාපාර රැසක ඵලදායිතාවය පහළගොස් තිබෙනවා.
මෙය යථා තත්වයට පත්කර නොගතහොත් ආර්ථික වර්ධනයට දැඩි බලපෑමක් වනු ඇති බවයි ආර්ථික විශ්ලේකයන් පෙන්වා දෙන්නේ.
ෆෙඩරල් රජයේ සංඛ්‍යාලේඛණ අනුව වසර 60 කට පමණ පසු කම්කරු ඵලදායිතාවය හෙවත් රැකියා කල පැය ගණන පහළයාමක් සටහන්වී තිබෙනවා.
ලොව සෙසු තරගකාරී ආර්ථිකයන් සහිත රටවලට වඩා ඔස්ට්‍රේලියාවේ ඵලදායීතාවය ඉතා පහළ මට්ටමක පවතින බවද නවතම දත්තවල සඳහන්.
පසුගිය මාර්තු කාර්තුවේදී ඔස්ට්‍රේලියාවේ ආර්ථිකය වර්ධනය වී ඇත්තේ පෙර කාර්තුවට වඩා සියයට 0.2 ක් වැනි ඉතා සුලු අගයකින් පමණක් බවයි සංඛ්‍යාලේඛණ කාර්යාංශයද අනාවරණය කලේ.
