නවසීලන්ත කණ්ඩායමට එරෙහිව පැවති පන්දුවාර විස්සයි විස්ස පළමු තරගයෙන් තියුණු ජයක් ලබා ගැනීමට සංචාරක ශ්‍රී ලංකා කණ්ඩායම සමත්වුණා.
කණ්ඩායම් දෙකෙහිම ලකුණු සම තත්ත්වයට පත්වීම හේතුවෙන් තරගයේ ජය තීරණය කෙරුණේ සුපිරි පන්දු වාරයකිනුයි.
තරගයේ කාසියේ වාසිය නවසීලන්ත නායකයා විසින් දිනාගත් අතර ඔහු ශ්‍රී ලංකා කණ්ඩායමට පන්දුවට පහරදීමට ආරාධනා කලා.
ඒ අනුව ශ්‍රී ලංකා කණ්ඩායම නියමිත පන්දුවාර 20 අවසානයේ කඩුලූ 05 ක් දැවී රැස්කල ළකුණු සංඛ්‍යාව 196 ක්.
කුසල් ජනිත් පෙරේරා නොදැවී ලකුණු 53 යි.
චරිත් අසලංක ළකුණු 67 ක් සහ කුසල් මෙන්ඩිස් ලකුණු 25 ක් රැස් කලා.
ජයග්‍රාහී ලකුණු 197 ක ඉලක්කය හඹා ගිය නවසීලන්ත කණ්ඩායමද නියමිත පන්දුවාර 20 අවසානයේ කඩුලූ 08 ක් දැවී ළකුණු 196 ක් රැස්කළා.
ඒ අනුව ළකුණු සමවීමත් සමග සුපිරි පන්දු වාරයක් මගින් තරගයේ ජය පැරදුම තීරණය කෙරුණා.
එහිදී නවසීලන්ත කණ්ඩායම සිය සුපිරි පන්දු වාරයේදී රැස්කළේ ලකුණු 08 ක් පමණයි.
නමුත් ජයග්‍රහණයට අවශ්‍ය ලකුණු පන්දු 03 ක් තුළදී ලබාගැනීමට ශ්‍රී ලංකා කණ්ඩායම සමත් වුණා.
