ස්වදේශික ජනතා නියෝජනය ෆෙඩරල් පාර්ලිමේන්තුවට ගෙනඒමට අදාළ පණත් කෙටුම්පත පහළ මන්ත්‍රී මණ්ඩලයට අද ඉදිරිපත් කෙරුණා.
එය ඉදිරිපත් කරමින් නීතිපතිවරයා සඳහන් කලේ අතීතයේ සිට ඔස්ට්‍රේලියානු ව්‍යවස්ථාවේ පැවති වරදක් මෙමගින් නිවැරදි වන බවයි.
වසර 60,000 කට අධික කාලයක් පුරා ඔස්ට්‍රේලියානු භූමිය නිජබිම බවට පත්කරගෙන සිටි ජනතාවට නිසි හිමිකම් ලබාදීම මේ හරහා සිදුවන බවද ඔහු අවධාරණය කලා.
මෙම පණත් කෙටුමප්ත පාර්ලිමේන්තුවේදී ඉහළින්ම සම්මත වනු ඇති බවටයි අනාවැකි පළවන්නේ.
අනතුරුව ලබන ඔක්තෝබර් සහ දෙසැම්බර් අතරදී පවත්වනු ලබන ජනමත විචාරණයෙන්ද ඊඨ අනුමැතිය ලදහොත් ස්වදේශික ජනතාව වෙනුවෙන් ස්ථිර නියෝජනයක් ඔස්ට්‍රේලියා ෆෙඩරල් පාර්ලිමේන්තුවට පත්වීමට නියමිතයි.
