රජයේ කටයුතු සඳහා සම්බන්ධ වන ජංගම දුරකථන සහ උපාංගවලින් ටික්ටොක් ඇප්ලිකේෂනය ඉවත් කිරීමේ තහනමක් පැණවීම කෙරෙහි ෆෙඩරල් රජයේ අවධානය යොමුවී තිබෙනවා.
ස්වදේශ කටයුතු ඇමතිනී ක්ලෙයාර් ඔ-නිල් විසින් ඒ සම්බන්ධයෙන් වන නිල ප්‍රකාශයක් ඉතාම නුදුරේදී නිකුත් කරනු ඇති බව සඳහන්.
චීනයට අයත් ඇප්ලිකේෂනයක් වන ටික්ටොක් භාවිතය මගින් සංවේදී තොරතුරු ඔවුන් අතට පත්වනු ඇතැයි යන සැකය මීට හේතුවී තිබෙනවා.
දැනටමත් ඔස්ට්‍රේලියාවේ දේශපාලනඥයන් විශාල පිරිසක් ටික්ටොක් ඇප්ලිකේෂනය භාවිත කරනුයේ burner phones ඝනයට අයත්වන මිළ සහ පහසුකම් ඉතාම අඩු දුරකථන මාදිලිවල බවද සඳහන්.
කැනඩාව – නවසීලන්තය – මහා බ්‍රිතාන්‍යය සහ අමෙරිකාව විසින් මේ වනවිටත් රාජකාරි දුරකථනවල ටික්ටොක් ඇප්ලිකේෂනය භාවිතය සම්බන්ධයෙන් විවිධ සීමා පණවා අවසන්.
බටහිර ඔස්ට්‍රේලියා ප්‍රාන්ත රජයද පසුගියදා නිවේදනය කලේ ටික්ටොක් ඇප්ලිකේෂනය රාජකාරි දුරකථනවල භාවිතය තහනම් කිරීම සම්බන්ධයෙන් අවධානය යොමු කර ඇති බවයි.
