ලබන මාර්තු මාසයේ පැවැත්වෙන නිවු සවුත් වේල්ස් ප්‍රාන්ත මැතිවරණයෙන් ජයගත හොත් ඩොලර් මිලියන 400 ක අධ්‍යාපන අරමුදලක් ස්ථාපිත කරන බවට ලේබර් පක්ෂය සහතික වනවා.
එමෙන්ම සිසුන්ගේ සාක්ෂරතාවය සහ ගණිතමය කුසලතා නංවාලන නව වැඩපිළිවෙලක්ද ආරම්භ කරන බවටයි ඔවුන් පොරොන්දු වන්නේ.
ලේබර් පක්ෂය විසින් මෙම ප්‍රතිඥාව ලබාදී ඇත්තේ නිවු සවුත් වේල්ස් හි වත්මන් පාලක පක්ෂය වන ලිබරල් සන්ධානය විසින් අධ්‍යාපනය නංවාලීම සඳහා ඩොලර් මිලියන 253 ක නව වැඩසටහන් ආරම්භ කරන බවට ප්‍රකාශයක් කර ඇති පසුබිමකදීයි.
මාර්තු මාසයේදී බලයට පත්වුවහොත් නොමිළයේ අධ්‍යාපන වැඩසටහන් මාලාවක් ලබන ජූලි මාසයේ සිටම ආරම්භ කිරීමයි ලේබර් පක්ෂයේ සැළසුම වන්නේ.
මේ අතර නිවු සවුත් වේල්ස් පාසල් රැසක නව අධ්‍යයන වාර අද ආරම්භ කෙරුණද බස් සහ ට්‍රෑම් ගමන් වාර රැසක් අවලංගු වීමෙන් සිසුන් දැඩි දුෂ්කරතාවයට පත්ව සිටි බව සඳහන්.
