පැයට කිලෝමීටර් 233 ක වේගයෙන් මෝටර් රථය ධාවනය කල පුද්ගලයෙකු මෙල්බන් නිරිත දිග Laverton ප්‍රදේශයේදී පොලිස් අත්අඩංගුවට ගෙන තිබෙනවා.
Princes Freeway හිදී ධාවනය කරමින් සිටියදීයි පළමුවරට මෙම රථය පොලිසිය විසින් නිරීක්ෂණය කර ඇත්තේ.
අදාල කොටසේ උපරිම වේගය පැයට කිලෝමීටර් 100 ක් පමණයි.
පසුව ඊයේ රාත්‍රී 07.30 ට පමණ 23 හැවිරිදි රියදුරු පොලිස් අත්අඩංගුවට ගෙන තිබෙනවා.
ඔහු Greenvale ප්‍රදේශයේ පදිංචි 23 හැවිරිදි අයෙකු වන අතර රියදුරු බලපත්‍රය එම අවස්ථාවේදීම අත්හිටුවීමටයි පොලිසිය කටයුතු කර ඇත්තේ.
මිනිස් ජීවිත අනතුරේ හෙළීම – පොලිසියට අවනත නොවීම ඇතුලු චෝදනා කිහිපයක් යටතේ මොහුට එරෙහිව නඩු පැවරීමට නියමිතයි.
සැකකරු ලබන පෙබරවාරි Werribee මහෙස්ත්‍රාත් අධිකරණයට ඉදිරිපත් කෙරෙනු ඇති.
