තමන්ට ස්ථිර පදිංචි වීසා (PR) ලබාදෙන ලෙස ඉල්ලමින් සරණාගතයන් විශාල පිරිසක් මේ වනවිට කැන්බරා අගනුවර පාර්ලිමේන්තු සංකීර්ණය ඉදිරිපිට දැවැන්ත විරෝධතාවක නිරත වනවා.
තමන්ට සාධාරණයක් ඉටු කරදෙන ලෙස ඉල්ලමිනුයි ඔවුන් මෙම උද්ඝෝෂණයේ නිරත වන්නේ.
ඇතැමුන් වසර ගණනක සිට පවුලේ ඥාතීන් දැක නොමැති බවත් – දීර්ඝ කාලයක සිට රැඳවුම් භාරයේ සිටින බවත් විරෝධතාවයට එක්වූවන් පෙන්වා දෙනවා.
තම අනාගතය අවිනිශ්චිත තත්වයකට පත්ව ඇති බැවින් වහා ස්ථිර පදිංචි වීසා ලබාදෙන ලෙසටයි ඔවුන් ඉල්ලා සිටින්නේ.
සංක්‍රමණය පිළිබඳ ඔස්ටේ්‍රලියාවේ ප්‍රතිපත්ති ලිහිල් කරන්නැයිද – දැනට ගොඩගැසී ඇති වීසා අයදුම්පත් වහා සළකා බලා අවසන් කරන්නැයිද විරෝධතාවයට එක්වූවන් වැඩි දුරටත් ඉල්ලා සිටිනවා.
