2022-23 වසරට අදාළව ඉහළ දමන ලද 35,000 ක සංක්‍රමණික කෝටාවෙන් සැළකිය යුතු ප්‍රමාණයක් Aged care ක්ෂේත්‍රයේ රැකියා සඳහා වෙන්වනු ඇති බවට අනාවැකි පළවනවා.
ඔස්ටේ්‍රලියා වැඩිහිටි සත්කාරක ක්ෂේත්‍රයේ ආයතන මගින් ඇස්තමේන්තු කොට ඇති පරිදි දැනට එම ක්ෂේත්‍රයේ පුරප්පාඩු 60,000 ක් පමණ පවතිනවා.
ඉන් 45,000 ක්ම සුදුසුකම් ලත් වැඩිහිටි රැකවරණ සේවකයින් සඳහා වන පුරප්පාඩු බවද සඳහන්.
මේ හේතුවෙන් අදාළ රැකියාවල නිරතවිය හැකි නිපුණතා සහිත දක්ෂ සංක්‍රමණිකයන් අවශ්‍ය බව වැඩිහිටි සත්කාරක ක්ෂේත්‍රයේ ආයතන විසින් ෆෙඩරල් රජයෙන් අවස්ථා ගණනාවකදී ඉල්ලීම් කර තිබුණා.
මෙම රැකියා ඉතාම ඉක්මණින් සම්පූර්ණ කල යුතු බැවින් වැඩි කරන ලද කෝටාවෙන් සැළකිය යුතු සංඛ්‍යාවක් Aged care ක්ෂේත්‍රයට වෙන් කරන්නැයිද අඛණ්ඩව ඉල්ලීම් ඉදිරිපත් වනවා.
විශේෂයෙන් සේවක හිගය හමුවේ එකම සේවක පිරිසෙන් වැඩි පැය ගණනක් සේවා ඉටු කරගැනීම ප්‍රායෝගික නැතැයි වැඩිහිටි සත්කාරක ක්ෂේත්‍රයේ ආයතන අවධාරණය කරනවා.
