ඔස්ටේ‍රලියාව තුළ සේවක වැටුප් සම්බන්ධයෙන් වැදගත් සාකච්ඡා මාලාවක් මෙම සතිය තුළදී ආරම්භ වනවා.
ඒ අනුව එක් එක් ක්ෂේත්‍රයට වෙන වෙනම වැටුප් තල ක්‍රියාත්මක කිරීම පිළිබඳ එහිදී අවසන් තීන්දු තීරණ රැසක් ගැනීමටයි නියමිතව ඇත්තේ.
වෘත්තිය සමිති විසින් යෝජනා කර ඇත්තේ එකම ක්ෂේත්‍රයක සිටින විවිධ සේවා යෝජකයන් සඳහා ඔවුන්ගේ අභිමතය පරිදි වැටුප් තල ක්‍රියාත්මක කිරීමට අවසර දිය යුතු බවටයි.
එහෙත් පසුගියදා පැවති රැකියා සහ නිපුණතා සමුලුවේදී ෆෙඩරල් රජය අවධාරණය කර තිබුණේ මෙවැනි තීරණයක් ගතහොත් එමගින් වැඩ වර්ජන වැනි දෑ ඉහළ යා හැකි බවයි.
නිවු සවුත් වේල්ස් ප්‍රාන්තයේ දැනට විවිධ ක්ෂේත්‍රවල වර්ජනවලට හේතුවද එයම බවයි ෆෙඩරල් රජය පෙන්වා දෙන්නේ.
