කොවිඩ් වසංගත තත්වය එළැඹිමත් සමග වික්ටෝරියා ගිලන් රථ සේවයේ ප්‍රමාදයන් සහ අඩුපාඩු ඇතුළත් වාර්තා 02 ක් ප්‍රසිද්ධියට පත් කර තිබෙනවා.
ඇමතුම් සඳහා ප්‍රතිචාර දැක්වීමට දීර්ඝ කාලයක් ගැනීම / ගිලන් රථ නොමැතිවීම / පැමිණීමේ ප්‍රමාදයන් ඇතුලු දෝෂ ගණනාවක් පිළිබඳ තොරතුරු ඊට ඇතුළත්.
2020 සහ 2021 අතර කාලයේදී වික්ටෝරියා ගිලන් රථ සේවයට ලැබී ඇති දුරකථන ඇමතුම් සංඛ්‍යාව 53,000 ක් හෙවත් සියයට 6.4 කින් පමණ වැඩිවී ඇති බවයි මෙම වාර්තාවල දැක්වෙන්නේ.
2021 සහ 2022 අතරදී එය සියයට 12 කින් පමණ ඉහළ ගොස් ඇත්තේ පෙර වසරට සාපේක්ෂව ඇමතුම් 106,000 ක පමණ වැඩිවීමක් සටහන් කරමින්.
ගිලන් රථ ප්‍රමාදයන් වළක්වා අසාධ්‍ය රෝගීන්ගේ මරණ වළක්වාගැනීමට ගත යුතු පියවර පිළිබඳවද මෙම වාර්තාවල අන්තර්ගතයි.
ගතවූ කාල සීමාව තුළදී එලෙස වාර්තා වී ඇති මරණ සංඛ්‍යාව 33 ක්.
හදිසි ප්‍රතිචාර කළමණාකරණයට නව ඒකකයක් පිහිටුවිය යුතු බවටත් යෝජනා ඉදිරිපත් වී තිබෙනවා.
