ස්ත්‍රී – පුරුෂ දෙපාර්ශවයටම සමාන වැටුප් තල හිමිවන පරිදි පණත සංශෝධනය කිරීමට ඇන්තනී ඇල්බනීස් රජය සූදානම් වනවා.
aged care – early childhood වැනි කාන්තාවන් ප්‍රමුඛව කටයුතු කරන ක්ෂේත්‍රවලදී ඔවුන්ට ඉහළ වැටුප් හිමිවන ප්‍රතිසංස්කරණ හඳුන්වාදීමයි එහි මූලික අරමුණ වී ඇත්තේ.
එමෙන්ම සේවකයන් 250 ට වැඩි පිරිසක් සිටින ආයතනවල ස්ත්‍රී – පුරුෂ සේවක සේවිකාවන්ට හිමිවන වැටුප් පිළිබඳ තොරතුරු ප්‍රසිද්ධියට පත් කිරීමට බල කිරීමටද යෝජිත සංශෝධන හරහා බලතල පැවරෙනු ඇති.
ඔස්ටේ්‍රලියාවේ ඇතැම් ක්ෂේත්‍රවල ස්ත්‍රී – පුරුෂ වැටුප් පරිතරය සියයට 14 ක් හෙවත් සතියකට ඩොලර් 250 ක් පමණ වන බවටයි වාර්තා වන්නේ.
එය දැඩි අසාධාරණයක් බවටයි සිවිල් සංවිධාන ගණනාවක් චෝදනා කර තිබුණේ.
