ඔස්ට්‍රේලියානුවන් වැඩිපුර මුදල් වැයකරන අංශ හදුනාගෙන තිබෙනවා.
ඒ අනුව සුපිරි වෙළඳසැල්, බලශක්ති සපයන්නන් සහ ගුවන් සමාගම් විශාල ලාභයක් ඉපැයිමේ අරමුණින් ජනතාව වෙත අදික පිරිවැයක් පවරන බවටයි ආර්ථික විශේෂඥයින් චෝදනා කරන්නේ.
මෙල්බර්න් විශ්ව විද්‍යාලයේ ආර්ථික විද්‍යා මහාචාර්ය ඇලන් ෆෙල්ස් පෙන්වා දෙන්නේ ඔස්ට්‍රේලියානුවන් මෙම අංශ ත්‍රිත්වය සදහා බොහෝ විට අධික මිල ගණන් ගෙවන බවයි.
ජනතාවට උද්ධමනයේ බලපෑම ඉහළ වන අතර පාරිභෝගිකයින් අඛණ්ඩව එම අංශ සදහා අධික ලෙස මිල ගණන් ගෙවනු ඇති බව සදහන්.
ෆෙල්ස් ප්‍රකාශ කළේ මේ සදහා ප්‍රධානතම බලපෑම්කරු ඔස්ට්‍රේලියානු සුපිරි වෙළඳසැල් බවයි.
ප්‍රධාන ක්ශේත්‍රයන් යටතේ අසාමන්‍ය ලෙස ජනතාවට පිරිවැයක් පටවන බවයි පිටු 80කින් යුත් වාර්තාවක් එළිදක්වමින් ඔහු සඳහන් කළේ.
ආර්ථික බලධාරීන් මේ පිලිබද සමාලෝචනය කරමින් නිසි පියවර ගන්නා ලෙසට එමගින් වැඩිදුරටත් අවධාරණය කර තිබෙනවා.
