කොවිඩ් එන්නත නොගත් ක්වීන්ස්ලන්ඩ් අධ්‍යාපන සේවකයන් 900 කට අදාළ ගෙවීම් අත්හිටුවීමට ප්‍රාන්ත අධ්‍යාපන දෙපාර්තමේන්තුව තීරණය කර තිබෙනවා.
ගුරුවරුන් – අනධ්‍යයන කාර්ය මණ්ඩලය – පරිපාලන කාර්ය මණ්ඩලය – පිරිසිදු කරන්නන් ඇතුලු පාර්ශව මේ අතර වන බව සඳහන්.
ක්වීන්ස්ලන්ඩ් අධ්‍යාපන සේවකයන්ට කොවිඩ් එන්නත අනිවාර්ය කරමින් නියමයක් නිකුත් කෙරුණේ පසුගිය නොවැම්බර් මාසයේදීයි.
එය කඩ කල ගුරුවරුන් ඇතුලු අධ්‍යයන කාර්ය මණ්ඩල වෙත ඊයේ දිනයේදී ලිපියක් එවා ඇත්තේ ඔවුන්ට ගෙවිය යුතු සති 20 ක දීමනා කපා හරින බව දක්වමින්.
කෙසේවෙතත් ක්වීන්ස්ලන්ඩ් ප්‍රාන්තයේ ගුරුවරුන් 54,000 ක් අතුරින් සියයට 99 ක් පමණම නිසි පරිදි එන්නත්කරණ ඉලක්ක සපුරා ඇති බවයි තහවුරු වී ඇත්තේ.
