වික්ටෝරියා ප්‍රාන්තයේ ප්‍රධාන රෝහල් ආශ්‍රිතව ප්‍රාථමික සෞඛ්‍ය මධ්‍යස්ථාන 05 ක් පිහිටුවීමට ප්‍රාන්ත රජය තීරණය කර තිබෙනවා.
ඒ සඳහා වැය කිරීමට යෝජිත මුදල ඩොලර් මිලියන 14.3 ක් බවයි වික්ටෝරියා අගමැති ඩැනියල් ඇන්ඩෲස් කියාසිටියේ.
මෙම ප්‍රාථමික සෞඛ්‍ය මධ්‍යස්ථාන සතියේ දින 07 ම ක්‍රියාත්මක වන අතර දිනකට පැය 16 ක කාලයක් විවෘතව පවතිනවා.
ප්‍රාන්තයේ සෞඛ්‍ය පද්ධතිය තුළ දැනට පවතින දැඩි තදබදය අවම කිරීම මෙහි ප්‍රධාන අරමුණයි.
මේ අනුව හදිසි සෞඛ්‍ය දෙපාර්තමේන්තු වෙත පිවිසීමකින් තොරව අදාළ ප්‍රාථමික සෞඛ්‍ය මධ්‍යස්ථාන මගින් සේවා ඉටු කර ගැනීමට මහජනතාවට අවස්ථාව උදාවනු ඇති.
දරුණු හා බරපතල නොවන රෝගී අවස්ථා සඳහා පමණක් මෙම නව මධ්‍යස්ථානවලින් ප්‍රතිකාර කෙරෙන බවද සඳහන්.
පහත රෝහල් ආශ්‍රිතවයි මෙම ප්‍රාථමික සෞඛ්‍ය මධ්‍යස්ථාන පිහිටුවීමට නියමිතව ඇත්තේ.
Royal Melbourne Hospital, Northern Hospital Epping, Sunshine Hospital, Monash Medical Centre Clayton, and Grampians Health Ballarat.
