අපේ සිනහව මුවට එක් කල ආදරණීය ටෙනී අප දමා යන්න ගිහින්….ප්‍රවීණ විකට රංගන ශිල්පී ටෙනිසන් කුරේ ඔබට නිවන් සුව!
ජනප්‍රිය විකට රංගන ශිල්පියෙකු වන ටෙනිසන් කුරේ මහතා මීට සුළු වේලාවකට පෙර කොළඹ ජාතික රෝහලේදී අභාවප්‍රාප්ත වී තිබේ. ඒ මහතා කලක් රෝගාතුරව රෝහල්ගත වී සිටි අතර මියයන විට 68 වැනි වියෙහි පසුවිය.
ඔහු ශ්‍රී ලංකා සිනමාවේ සහ වේදිකා නාට්‍යවල නළුවෙකි. ශ්‍රී ලංකාවේ ප්‍රකට විකට නළුවෙකු වන කුරේ වඩාත් ප්‍රසිද්ධියට පත්වූයේ රෑ ඩැනියෙල් දවල් මිගෙල්, චෙරියෝ ෆ්‍රැන්චයිස්, පෙරලිකාරායෝ, සෝමි බෝයිස් සහ ටාසන් වැනි චිත්‍රපටවල ප්‍රහසන චරිත සඳහා ය. රංගනයට අමතරව ඔහු අධ්‍යක්ෂකවරයකු හා තිර රචකයෙකු, ගායකයෙකු, පද රචකයෙකු ලෙස ද කටයුතු කර ඇත.
