ඉදිරි වසර 02 සඳහා ඔස්ටේ්‍රලියා විශ්ව විද්‍යාල සඳහා බඳවා ගන්නා සිසුන් සංඛ්‍යාව 20,000 කින් ඉහළ දැමීමට ෆෙඩරල් රජය අවසර දී තිබෙනවා.
අඩු ආදායම් ලබන පවුල්වල සිසුන් / ස්වදේශික සහ දුෂ්කර ප්‍රදේශවල සිසුන් සඳහා එහිදී ප්‍රමුඛත්වය හිමිවීමට නියමිතයි.
අධ්‍යාපන අමාත්‍ය ජේසන් ක්ලෙයාර් සඳහන් කලේ වසරකට සිසුන් 10,000 බැගින් වසර 02 කදී මෙම අමතර ශිෂ්‍ය කෝටාව බඳවා ගැනීමට අපේක්ෂා කරන බවයි.
අධ්‍යාපන – සෞඛ්‍ය – ඉංජිනේරු සහ තාක්ෂණ වැනි අංශයන්ගෙන් ඔස්ටේ්‍රලියාව තුළ දැනට පවතින දැඩි පුහුණු ශ්‍රමික හිගය මගහරවාලීම මෙහි දීර්ඝකාලීන ඉලක්කය බවයි අධ්‍යාපන අමාත්‍යවරයා සඳහන් කලේ.
සියලු ජන කොට්ඨාශ වෙත සම අධ්‍යාපන අවස්ථා සළසාදීම ලේබර් පක්ෂ රජයේ අරමුණ බවද අධ්‍යාපන අමාත්‍යවරයා කියාසිටියා.
