හෙදියන් – Aged Care සේවකයන් ඇතුලු සෞඛ්‍ය ක්ෂේත්‍රයේ අංශ රැසක සේවකයන්ට නොමිළයේ පොදු ප්‍රවාහන සේවා පහසුකම් සපයන බවට වික්ටෝරියා ප්‍රාන්ත විපක්ෂය පොරොන්දුවක් දි තිබෙනවා.
ලබන නොවැම්බර් මාසයේ පැවැත්වෙන ප්‍රාන්ත මැතිවරණයෙන් ජයගතහොත් ඉදිරි වසර 04 පුරාම එය ක්‍රියාවට නංවන බවයි ප්‍රාන්ත ඡායා සෞඛ්‍ය අමාත්‍ය Georgie Crozier සඳහන් කලේ.
පසුගිය කොවිඩ් සමයේ සිටම මේ දක්වා වික්ටෝරියා සෞඛ්‍ය සේවකයන් මුහුණදෙන දුෂ්කරතා සැළකිල්ලට ගෙන මෙම තීරණය ගන්නා බවද ඔහු සඳහන් කලා.
මෙමගින් වික්ටෝරියා ප්‍රාන්ත රජයට දැරීමට සිදුවනු ඇතැයි අපේක්ෂිත මුදල ඩොලර් මිලියන 468 ක්.
වික්ටෝරියා ප්‍රාන්තයේ සෞඛ්‍ය සේවකයන් 260,000 කට පමණ වසරකට මෙමගින් ඩොලර් 1800 ක පමණ මුදලක් බැගින් ඉතිරිකරගත හැකි වනු ඇතැයි අපේක්ෂා කෙරෙනවා.
